ولو واحد متعرف على وحدة  وأصدقاءه يعرفون بالموضوع صعب او مستحيل يزوجها، لان يعتبرها فشلة او فضيحة جدام اصدقاءة ، وبيقولون له منو متزوج هذيك البنت اللي  متعرف عليها وتطلع ويها(يعني تنفهم صايعة)، صعبة ان الواحد يزوج وحدة  اصدقاءة شايفينها تتمشى وياه أو تكلمه في التلفون وهم جنبة (بقربة)،  او قايل لهم سوالف هذي البنت ووصفلهم شكلها ،  ببسط المثال يعني الوحدة تقدر انها تراوي او تخلي صديقـتها تشوف  صورة خطيبها ، بس الريال مستحيل مستحيل يخلي احد من اصدقائه يشوف صورة خطيبته ، لانها خطيبته وبتكون حرمته ويغار عليها، شوفو الفرق بين نفسية وطبايع الريال اللي تختلف عن الحرمة.

والشباب اللي متعرفين طايحين وما عندهم سالفة إلا يتكلمون عن البنات اللي متعرفين عليهم ويشهرون فيها وبسوالفها والسوالف اللي تحصل بينهم معاها ، بين كل الشباب ((فكيف بيزوجها يعني مستحيل والله).

من الأدلـة القوية التي تدل عل انة الواحد مابـيـتزوج وحدة متعرف عليها

كل واحد منهم يقول لنفسه ولاصدقائه ان شاء الله هذي فترة  مراهقة او طيش وبتعدي ، ويوم بكبر بتوب او يوم بتزوج بترك سوالفي مع البنات وبتوب والله بيتوب علي وانتها الموضوع.

وإذا  نصحت واحد منهم يرد عليك مثل ألف غيره يقول  لا انا أول ولا آخر واحد او يقول شوف الي أكبر مني شو يعمل، يعني هو ما يـعمل شيء غلط مع البنات الى شويه وهو يقارن نفسه مع اربـيعه او واحد وصخ  يعرفه ، فيشوف نفسة  ان ما يغلط كثير لو قارن نفسه بصديقه ،  ويقارن أعماله باعمال واحد اوصخ منه ، فيهون على نفسه إللي يعملة مع بنات الناس ، وحتى لو ما كان عند صديق مب زين ، هو يبرر  بسوء الضن بكل الناس ويقول في شباب يعملون اكثر مني.

او يرد عليك وهو يضحك او يستهزأ  ويقولك لو نصحته عن اللي يعملة مع بنات الناس ، يقولك ليش انت مطوع او يقول آسف ما أدري انك مطوع، يعني الحين هل الشاب إلي ما يكلم او ما يكلم بنات  يعتبرونه مطوع ، اضني هذا عشان هم من كثر ما هم سفلة  ونفسيتهم وآخلاقهم سافلة يشوفون إللي ما يكلم بنات هذا  مطوع ، اومن كثر ما انتشرت هذي العادة الوصخة عن الشباب يضن انه كل الشباب يعملون شي ، إلا نسبة قليلة إلي هم المطاوعة وهذيل متشديد او متعقدين وبان فئة الشباب إلي عندهم بنات هذي الفئة العادية وبأنهم ناس عاديـين وهو عادي مثل هم او مثل الاغلبـية.

ولو قلت لواحد من هذيل الشباب  حديث او قصة تبين ان هذا دين عليه والله بيجازيه بنفس العمل اللي كان يعملة مع بنات الناس، بيقولك وهو متكبر او غير مهتم او ان هذا الحديث او المعلومة قديمة وهو يعرفها ، ويقولك اعرف اعرف ، بس مب يعني انهم يعرفون الاحاديث انهم يتركون اعمالهم الوصخة.

ملاحظة: يعني الواحد منهم يكون أناني وما يفكر إلا في نفسه وهو يقول انه بيتوب في المستقبل ، زين ليش ما فكر بالبنت اللي متعرف عليها كيف بتوب بعد ما خدعها وضيعها ، كيف البنت بتوب اذا فقدت عذريتها من او منو بيتزوجها (لا المطوع والا الصايع بيرضها انة يتزوجها)، الريال او الشاب اذا زنا وتاب ما بينعرف انة زاني_بس البنت بتـنعرف اذا فقدت عذريتها وهذا أهم  شيء في البنت ، وبتـتـطر انها تكون مع بعض الشباب علاقات حرام لانة ما في احد بيزوجها وتعاشر  اوصخ  انواع الشباب إلي ما يخافون الله يعني عادي يستغلونها بانهم يصورنها ويهدودنها بالصور عشان يجبرونها انها تعمل إلي يبغونة وفي او وقت يريدون.

وأغلب الشباب اللي جبِت أوصافهم وأخلاقهم الخايسة وحقارتهم مع البنات لو تشوفونهم تقولون هذا انسان فنان او حبوب وكشخة، يعني لو طلبت من   واحد منهم ان يساعدك بـأي شيء او يوقف معاك بأصعب المواقف، ما يردك حتى لو كنت محتاج فلوس بي سلفك عادي بيكون معاك شهم، بس لو شفت  أفعالة مع البنات بتشوفه نذل وحقير هذا بس مع البنات (والله ما اكذب عليكم)، يعني تشوف شاب محترم و سوالف  بس لو تشوفون تصرفاته وكلامه عن البنات وكيف شكل وجهه وهو يتكلم عنهم ،  بتشوفون والله كل الخبث في وجهه والخبث من كلامه وافعاله معاها.

وفي بنات يساعدون صديقاتهم على التعارف، وهذيل في قمة الخبث والغباء، لأنها  تآخذ اثمها وأثم ربيعتها، وبذكرلكم موقف او قصة (للدخول في الموضوع).

مرة  ثلاث في السيارة فقال واحد منهم للثاني ات صلت لي بنت ما كلمت ها من زمان ، وتقولي عندي اربع بنات وكلهم في الثانوية ابغي اعرفهم على شباب من طرفك ،  وقلت اتصلك وأكلمك عشان تشوفلي واحد من ربعك او من طرفك لاني واثقة فيك (تخيلو اربع بنات صغار بعدهم في الثانوية ،  وهذي تبغي تساعدهم على التعارف يعني تبغي تاخذ بدال اثمها اثم اربع بنات  شوفو الغباء) بس هذا شيء طبيعي لانها تعمل شيء غلط وتحاول تغـري او تزين هذا الغلط للي حولها من البنات وتساعدهم عشان ما تكون لوحدها في هذا الطريق ، وهنا بعد في سؤال يطرح نفسة هذي البنت اللي تبغي تعرف صديقتها على شباب هي سبقـتهم بسنة او بسنتين في هذا المجال  لــيــش ما اتزوجت لين الحين ، ولو الزواج سهل ليش سنة سنتين فترة مب كافية عشان إللي  يحبها يقرر يتزوجها (هو قرر من اول او ثاني مكالمة انه بيتزوجها وين الفعل) ، صدقوني لو تسألون هذيل البنات الي جربو انهم يتعرفون ولو الوحدة جربة وتعرفت على واحد او اثنين واسئلتها ليش ما اتزوجتي لين الحين مع انه كان بينك وبين كل واحد تحبينة  حب وتعارف قوي وكل واحد يعرف عن الثاني كل شيء ،  بتقولك صح بس على آخر فترة  في علاقتنا حصلت مشكلة بيني وبينة(مشكلة مفتعلة من الشاب عشان يتخلص من البنت) او تقولك الضروف ما ساعدتنا أهل الولد ما وافقوا على زواجنا وزوجوه غصبنا عنة بنت عمة او بنت خالتة او هو في الفترة الاخيرة كان يطنش ودوم مشغول عني وما يهتم فية ، لين ما زهقت منه و انا سبتة ... والاشياء كثيرة ....... الخ ... مالها حصر........او تقول انا اكتشفت ان يكلم بنت ثانية

وبختصار: اذا كنتي تعرفين ان المتعرفة عليك كان متعرف على وحدة قبلك او اكتشفتي انة يكلم ومتعرف عى وحدة ثانية ، خلاص انسي موضوع الزواج ، لان هذا لعاب ومخادع ، والدليل القوي ان متعرف على غيرك ، وما بزيد في شرح هذي النقطة لانها واضحة مثل الشمس

في البعض وهو يكلم صديقته او وحدة يقول لها انا اربيعي او اخوي متزوج وحدة متعرف عليها وعادي (يعني عادي عند أهله) وهو ما ذكر هذه النقطة إلا لأنه يريد يقول بشكل غير مباشر ان أهله متحررين , او انهم مب ملتزمين  مثل اغلب العوايل وبعادات اغلب الناس، واذا هو صادق بكلامه وان أهله عادي عندهم ان ولدهم يتزوج وحدة متعرف عليها، خليه ولو كان صادق خليه يخلي اخته (ولو ان في بعض يستغل اختة في هذي السوالف) او أم الولد هذا يكلمون هذه البنت المتعرف عليها صعب ، واذا قالت البنت للولد خلي امك تكلمني او امك تكلم امي، بيتهرب ويقول انا بعدني ابغي اتعرف عليك اكثر او يقول الظروف غير مناسبة  عشان اكلمهم عشانك او عشان زوجنا او يقول عطيني فرصة لغاية ما ارتب اموري عشان اكلمهم ، وبهذي الطريقة او بهذا الرد يقدر يهرب من هذا الموضوع ، ويعطي البنت رد مثل ما يقلون غير شافي بس يهدي الموضوع.

اذا الواحد متعرف على وحدة وقال لها والله احبك فهو ما كذب لان يعبر عن شهوة وغريزة وميولة من واحد لوحدة يعني مثال اذا الشخص قال والله احب التفاح وايد فيها مشكلة او يعتبر كذاب اذا قال انا احب التفاح ، يعني الواحد (الذكر) اذا قال لوحدة (انثى) انا والله احبك واموت فيك ما كذب بس مب يعني ان هو يقدر يخليك زوجة يمكن عشيقة (بنت للمتعة او للتسلية بس) بس مب يعني هذا ان بيتزوجك وبيوضعك بمرتبة الزوجة وشرفها مهما كنتي, لانه هو متعرف عليك ويكلمك قبل الزواج او  قبل الخطوبة رسمية بمعرفة الوالدين.

واذا قال والله انا خاطري ازوجك اليوم قبل باكر ، فهو يمكن ما يعتبر كذاب ، بس هل يقدر يزوجك هل يقدر يكلم اهلك عشانك ، هو يمكن يعبر عن رغبة (وحلف بأسم الله) ، بس هو ما عندة استطاعة او في موانع قوية لهاذي الرغبة ، هو ما يذكرها ، بس يعبر عن الرغبة ويقدر يحلف عليها ، يعني يمكن تقولين يتلاعب بالحلف او يكذب بالحلف

وهذا نوع آخر بس مشابه لحلف الشباب

مثال واضح جدا وقوي : في بعض الأحيان شباب يشوفون التلفزيون ويمكن يشوفون ممثله او رقاصة او عارضة ازياء او بنت من بنات الدعاية مرات يصدر منهم بعض الكلام يعني مثلا اذا شاف وحدة منهم يقول والله نفسي ازوجها او لو ماكنت متزوجة كنت بتزوجها ، يعني كلام فاضي ، هل هو في الحقيقة يقدر او اذا قالولة خلاص البنت هذي جدامك وجدام ربعك اذا تبغي تتزوجها اتزوجها ،اكيد هو ما يريد يتزوج من هذا النوع ، هذا بس كلام ، مع انه حلف بالله ، (وهذا نوع من انواع الحلف عند الشباب).